Tuesday, February 21, 2017

જીવનમાં યાદ રાખવા જેવી વાતો

૧ તમે ગમે તેટલા મોટા અને કદાવર કેમ ન હોવ, યાદ રાખો કે મર્યા બાદ તમે જાતે કબર કે સ્મશાન સુધી જઈ શકવાના નથી. નમ્ર બનો.
૨ તમે ગમે તેટલા સુંદર કે દેખાવડા કેમ ન હોવ, યાદ રાખો કે બબુન કે ગોરીલા પણ યાત્રીઓને આકર્ષે છે. બડાઈ મારવી બંધ કરો.
૩ તમે ગમે તેટલા ઉંચા કેમ ન હોવ, યાદ રાખો કે તમે આવતી કાલ જોઈ શકવાના નથી. ધૈર્યવાન બનો.
૪ તમે ગમે તેટલા ગોરા કેમ ન હોવ, યાદ રાખો કે અંધારામાં જોવા માટે તમને રોશનીની જરૂર પડશે જ. સજાગ બનો.
૫ તમે ગમે તેટલા શ્રીમંત અને એક કરતા વધુ ગાડીઓના માલિક કેમ ન હોવ, યાદ રાખો કે રાતે સૂવા માટે પલંગ સુધી તમારે જાતે ચાલીને જ જવું પડશે. સંતોષી બનો.
જીવન સરળતાથી જીવો. જીવન અતિ લાંબુ નથી.

(‘ઇન્ટરનેટ પરથી’)

Saturday, February 11, 2017

વેલેન્ટાઈન ડે સ્પેશિયલ

એક પ્રેમી કપલની વાત છે. બંને દરિયા કિનારે ફરવા ગયાં હતાં. નાળિયેરીની નીચે બાંકડા પર બેઠાં હતાં ત્યારે તેણે નદીની રેત પર ધબકતું એક દૃશ્ય જોયું. એક વૃદ્ધ કપલ એકબીજાનોહાથ પકડી ચાલતાં હતાં. બંનેના પગ ખુલ્લા હતા. ભીની રેતીનો અહેસાસ બંને માણતાં હતાં. જોકે નક્કી કરી શકાય એવું હતું કે બંનેના ચહેરા પર જે કુમાશ હતી અને દિલમાં જે ટાઢક હતી ભીની રેતી પર પડતાં ખુલ્લા પગથી હતી કે પછી એકબીજાના પકડાયેલા હાથની ઉષ્માથી.
પ્રેમિકા ઊભી થઇ અને એજેડ કપલ પાસે ગઇ. પ્રેમી પણ તેની પાછળ ગયો. પ્રેમિકાએ બંનેને પૂછ્યું, અંકલ, પ્રેમ એટલે શું? અંકલે કહ્યું, પ્રેમ એટલે સાથે બુઢ્ઢા થવાની મજા. પત્નીનો હાથ ઊંચો કરીને કહ્યું કે કરચલીવાળો હાથ છે એની દરેક સળ મેં જીવી છે. અમારી ઊંડી ઊતરી ગયેલી આંખોમાં અમે એકબીજાને સંઘરી અને સાચવી રાખ્યાં છે. અરે મેં તો એને પ્રપોઝ એવી રીતે કર્યું હતું કે, મારે તારી સાથે બુઢ્ઢા થવું છે. તને મારી સાથે ઘરડું થવું ગમશે? એણે હા પાડી અને જિંદગીની સુંદર સફર શરૂ થઇ. હા, સમયે શરીરની ચામડી તંગ હતી. ચહેરા પર કુમાશ હતી. દરિયાની રેતી પર અમે દોડતાં હતાં. સ્વિમિંગ કરતાં હતાં. ધીમે ધીમે મોટાં થતાં ગયાં. દોડવાનું બંધ થયું. પછી ચાલતાં હતાં અને અત્યારે સાવ ધીમાં ધીમાં ડગલાં ભરીએ છીએ. ઘણું બદલ્યું છે પણ એક ચીજ ક્યારેય નથી બદલાઇ. છે હાથ. છે સાથ. છે સંગાથ અને છે એકબીજાનું અતૂટ સાંનિધ્ય.
                તમે અમને બંનેને રેતી પર ચાલતાં જોયાં એમ અમે પણ તમને બંનેને બાંકડા પર બેઠેલાં જોયાં હતાં. તારી આન્ટીએ કહ્યું કે, જો આપણા ભૂતકાળનું જીવતું-જાગતું દૃશ્ય સામે ધબકે છે. અમે બાંકડા પર બેસતાં. ઉંમર પણ કદાચ તમારા જેવડી હતી. તમને બંનેને એક વાત કરવાનું મન થાય છે કે, એકબીજા સાથે બુઢ્ઢા થવાની એક એક પળ માણજો. ઉંમરને અને પ્રેમને કોઇ સંબંધ નથી, હા એટલું છે કે પ્રેમ કરતાં રહેશો ત્યાં સુધી જીવંત હશો. ક્યારેક ઝઘડા પણ થશે, વિરહ પણ આવશે, પણ એનાથી પ્રેમ કરવાનું ઓછું નહીં કરતાં.
                વૃદ્ધ કપલ આગળ ચાલતું થયું પછી ભીની આંખે છોકરીએ છોકરાને કહ્યું, મારી સાથે વૃદ્ધ થઇશ? મારી સાથે શરીરમાં પડતી કરચલી માણી શકીશ? આંખ ઊંડી ઊતરે એમ પ્રેમ અગાધ બનાવીશ? હાથની રેખાઓમાં તારા હાથની રેખા મેળવી દઇશ? છોકરાએ એક શબ્દ બોલ્યા વિના પ્રેમિકાના હાથ હાથમાં લઇને પોતાના ચહેરા ઉપર મૂકી દીધા. દરેક વખતે સંમતિ શબ્દોથી મળતી હોતી નથી.


('ઈન્ટરનેટ પરથી')

Tuesday, February 7, 2017

પત્ની એટલે પત્ની !

એક નવું પરણેલું દંપતિ હાથમાં હાથ પરોવી બગીચામાં લટાર મારી રહ્યું હતું. અચાનક સામેથી એક કૂતરું આવી ચડ્યું. બંને ને ખબર પડી ગઈ કે તેમને કરડવાનું છે.
ત્વરીત બુદ્ધિ વાપરી પતિએ વ્હાલી પત્નીને પોતાના હાથમાં ઉંચકી લીધી અને કૂતરું પતિ ને કરડી ગયું.
કૂતરું કરડ્યા બાદ થોડી વાર તેમની સામે ઉભું રહ્યું અને ત્યાર બાદ થોડું ભસી ત્યાંથી ચાલ્યું ગયું. પતિએ હવે પત્નીને હેઠી ઉતારી અને આશાસ્પદ નજરે એની સામે જોયું, એવી અપેક્ષા સાથે કે જાણે હમણા પત્ની તેને વ્હાલથી ભેટી પડશે અને પ્રેમપૂર્વક તેનો આભાર માનશે.
પણ પત્ની એટલે પત્ની!
બરાડી,"મેં કૂતરા સામે પથરા ફેંકતા કે તેને લાકડી ફટકારતા અનેક લોકો જોયા છે પણ પોતાની પત્નીને ઉંચકી કૂતરા પર ફેંકવા જતા તમારા જેવા નિષ્ઠુર પતિ પહેલી વાર જોયા(!)"
ડઘાઈ ગયેલો પતિ બિચારો શું બોલે?!! 

ઉપસંહાર :
પત્ની એટલે પત્ની, એનાથી વધુ બૂરી રીતે અન્ય કોઈ તેના પતિ વિશે ગેરસમજ કરી શકે
- સ્વામી અજ્ઞાત મહારાજ   


('ઈન્ટરનેટ પરથી')