Tuesday, January 31, 2017

સુવિચારો

🔴આતો રંગ બદલતી દુનિયા છે દોસ્તો..તમારા દુઃખો તમને રડી રડીને પૂછે છે..અને બીજાને તે હસી હસીને બતાવે છે..!

🔴 મળેલા સમય ને જ યોગ્ય બનાવો સાહેબ..
યોગ્ય સમય ગોતવા નીકળ્યા તો જીંદગી ટૂંકી પડશે..!

🔴જીદંગી આ ન્યુઝપેપર જેવી છે..જો તમે આજ ના છો..તો કામ ના છો..જો જુના થઇ ગયા છો..તો ફરસાણ ના પડીકાબનશો..

🔴કીંમતી માેતી ની માળા તુટી જાય તાે માેતી વીંણવા માટે નીચે નમવા માં કઈ વાંધાે નથી.... બસ ! સંબંધાે નું પણ કંઈક એવું જ છે...

🔴હું નીકળ્યો સુખ ની શોધ માં રસ્તે ઉભા દુ:ખો બોલ્યા..
અમને સાથે લીધા વગર કોઇને સુખનુ સરનામુ મળતુ નથી..!

🔴કોઇકે પૂછ્યું..
તમે આટલા બધા ખુશ કેવી રીતે રહી શકો છો..?મે કહ્યું..
કેટલાકનું સાંભળી લઉં છું..
કેટલાકને સંભાળી લઉં છું..!

🔴ઘણીવાર સારું જીવન જીવવા માટે..
ઘણું યાદ રાખવા કરતાં ઘણું ભુલી જવામાં મજા છે..!

🔴સમય ભલે દેખાતો નથી, પણ ઘણુંબધું દેખાડી જાય છે..
આપણ ને કેટલા ઓળખે છે એ મહત્વ નું નથી..
શા માટે ઓળખે છે એ મહત્વનું છે..!

🔴પ્રેમ ની જરૂરિયાત તો દરેક ને હોય છે..
પણ પ્રેમની કદર માત્ર કોઇક ને જ હોય છે..!

🔴જેને મળવાથી જીંદગીમાં ખુશી મળતી હોય છે.. 
તેવા લોકો, શા માટે જીવનમાં ઓછા મળતા હોય છે..?

🔴પોતાની જીંદગીમાં બધા એટલા મશગૂલ થઈ ગયા છીએ..કે કોને ભૂલી ગયા છીએ એ પણ યાદ નથી..!

🔴 નફરતોને બાળશો તો, પ્રેમની રોશની થશે..

🔴બચપન આખું ગણતા રહ્યા દાખલા ત્રિકોણ-ચતુષ્કોણના..કાશ..!
કોઇએ સમજાવ્યા હોત પ્રમેયો દ્રષ્ટિકોણના..!

🔴 જિંદગીમાં જ્યાં સુધી તમે યાદ રાખો છો,
ત્યાં સુધી ગઈકાલ જીવે છે..
અને જ્યાં સુધી તમે આશા રાખો છો,ત્યાં સુધી આવતીકાલ તમારી રાહ જુએ છે..!

🔴કોઇના સમય ઉપર હસવાની હીંમત ના કરતા..
સમય હંમેશા ચેહરો યાદ રાખે છે..!

🔴સમર્પણ નું ખાતર નાખ્યા વગર સબંધ નું વૃક્ષ મોટું થતું નથી..
ભૂલ તારી નથી , ભૂલ મારી છે એ સમજવું એ જ સાચો સબંધ છે..!

🔴નાના માણસોના હાથ પકડી રાખજો પછી
મોટા માણસના પગ પકડવાની જરૂર નહિ પડે..!

🔴કાશ, સડકોની જેમ જીંદગીના રસ્તાઓ પર પણ લખાયેલુ હોય કે,
"આગળ ભયજનક વળાંક છે.જરા સાચવીને.

🔴 જીંદગીમાંથી જેટલું સારું લઇ શકાય એટલું લઇ લેજો સાહેબ, કેમકે જીંદગી જ્યારે લેવાનું નક્કી કરશે ત્યારે શ્વાસ પણ નહીં છોડે.!

🔴તમારા અને મારા વચ્ચે કેટલી સમાનતા..
તમે અંતર રાખો છો અને હું અંતરમાં રાખુ છુ..!

🔴 ફળ પરિપક્વ થયા પછી પડી જાય છે..અને 
માણસ પડ્યા પછી પરિપક્વ થાય છે..!

🔴 હસતા માણસના ખિસ્સા ખાસ તપાસજો..
શક્ય છે રૂમાલ ભીના મળે..!

🔴જ્યારે પોતાના દોષો દેખાવા લાગે ને..
ત્યારે સમજવું કે પ્રગતિ ની શરુઆત થઇ ચુકી છે..!

🔴તમારી પ્રતિષ્ઠાની બરાબર સંભાળ રાખો..
કારણ કે એ તમારા કરતાં લાંબુ જીવવાની છે..!

🔴 જિદગી મા સુખી થવાની રીત,હસવું ,હસાવવું અને 
હસી કાઢવું.

🔴 યાદ કરશો તો યાદો માં મળશું.  નહિ તો ,  ફરિયાદો માં તો છું જ.

Saturday, January 21, 2017

KFCના સ્થાપકની પ્રેરણાત્મક કહાની

5 વર્ષની ઉંમરે એનાં પિતાનું અવસાન...
16 વર્ષની ઉંમરે અભ્યાસ છોડ્યો...
17 વર્ષની ઉંમર સુધીમાં 4 નોકરી બદલી…
18 વર્ષની ઉંમરે લગ્ન...
18 થી 22 વર્ષની ઉંમર વચ્ચે કન્ડક્ટરની જોબ પણ એમાંય સફળ ના ગયો...
આર્મી માં જોડાયો તો ત્યાં પણ ના ચાલ્યો...
કાયદાની સ્કુલમાં ભણવાં માટે અરજી કરી તો ત્યાં પણ સિલેક્ટ ના થયો...
ઇન્સ્યોરન્સ સેલ્સમેન બન્યો અને ત્યાં પણ નિષ્ફળ...
19 વર્ષની ઉંમરે તે પિતા બન્યો અને 20 વર્ષની ઉંમરે તેની પત્ની તેની નાની દિકરીને લઈને, તેને મૂકીને ચાલી ગઈ...
એક નાનાં એવાં કેફેમાં તેણે રસોઈયા અને વાસણો માંજનારની નોકરી ચાલુ કરી...
એની પોતાની દિકરીને લઈ જવામાં (કિડનેપ કરવામાં) તે નિષ્ફળ ગયો અને છેવટે તેની પત્નીને ઘરે લાવવામાં સફળ થયો...
65ની ઉંમરમાં તે રિટાયર્ડ થયો...
એનાં રિટાયરમેન્ટનાં પ્રથમ દિવસે ગવર્નમેન્ટે તેને 105 ડોલરનો ચેક આપ્યો...
એને એવું લાગ્યું જાણે ગવર્નમેન્ટ એમ કહેવાં માંગતી હોય કે
એ પોતાની જરૂરીયાત પૂરી કરવા પણ સક્ષમ નથી..”
તે આખી જિંદગીમાં ક્યાંય સફળ નહોતો ગયો, એને એનું જિવવું બેકાર લાગ્યું, તેણે આત્મહત્યા કરવાનું વિચાર્યું,...
એક ઝાડ નીચે એ પોતાની વસીયત લખવા માટે બેઠો પણ તેણે ત્યાં વસીયત લખવાને બદલે એ લખ્યું જે એની લાઈફમાં એણે સંપૂર્ણપણે કરેલું હતું... ત્યારે તેને સમજાયું કે હજી તેને ઘણું બધું કરવાનું બાકી હતું એની લાઈફમાં...
એ જાણતો હતો કે એક વસ્તુ તે કોઈનાં પણ કરતાં સારી રીતે કરી શકતો હતો અને એ હતું – રાંધવાનું (how to cook)..

ગવર્નમેન્ટે આપેલાં એ ચેકમાંથી એણે 87 ડોલર ઉપાડ્યાં અને થોડું ચિકન લઈને એને આવડતી રેસીપી બનાવી અને અને એ Kentucky (કેન્ટુકી – અમેરીકાનું એક રાજ્ય)માં તેમની આસ-પડોસમાં રહેતાં લોકો પાસે જઈને ડોર ટુ ડોર એ વેચીને પૈસાં કમાવવાં લાગ્યો...
65 ની ઉંમરમાં જે વ્યક્તિ આત્મહત્યા કરી લેવા તૈયાર હતો, 88 વર્ષની ઉંમરમાં કોલોનેલ સેન્ડર્સ નામનાં એ માણસે Kentucky Fried Chicken (KFC) નું મોટું સામ્રાજ્ય ઊભું કરી દીધું જેણે એને કરોડોપતિ બનાવી દીધો અને તમે જોઈ શકો છો એમ એના ગયાં પછી પણ હજી એણે ઊભું કરેલું એમ્પાયર આખાં વિશ્વમાં ફેલાયેલું છે...

ઉપસંહાર :
શરૂઆત કરવાં માટે કોઈ દિવસ ‘મોડું થઈ ગયુંએમ વિચારવું નહીં. બધું તમારાં અભિગમ પર નિર્ભર છે...
તમારામાં પણ કોઈ એવી ખાસીયત હોય જ છે જે તમને સફળ બનાવી જ શકશે... એને જાણવાનો પ્રયત્ન કરો. એ બીજાંથી અલગ જ હશે અને જે દિવસે એ અન્યથી અલગ આવડત લઈને તમે મહેનત ચાલુ કરશો ત્યારે તમને પણ સફળતાની ઊંચાઈ સુધી પહોંચતા કોઈ નહીં રોકી શકે...
જ્યાં સુધી તમે સફળ નથી થતા ત્યાં સુધી તમારા  સંઘર્ષની વાતો માં કોઈ ને રસ હોતો નથી.


(‘ઇન્ટરનેટ પરથી)

Saturday, January 14, 2017

હાથી અને ડુક્કરની વાર્તા

એક હાથી નદીમાં સ્નાન કર્યા બાદ પોતાના રહેઠાણ તરફ પાછો ફરી રહ્યો હતો. માર્ગમાં એક સાંકડો પુલ આવ્યો જેના પર સામેથી તેણે એક કાદવમાં રગદોળાયેલા મેલા-ગંદા શરીર વાળા ડુક્કરને આવતું જોયું. હાથી શાંતિથી રસ્તાની એક બાજુએ ખસી ગયો અને તેણે ગંધાતા ડુક્કરને પસાર વા દીધું. તેના પસાર ગયા બાદ શાંતિથી હાથી પોતે આગળ વધ્યો.
અસ્વચ્છ ડુક્કરે પછી પોતાના મિત્રો સમક્ષ ઉદ્ધતાઈથી બડાઈ હાંકતા કહ્યું,"જોયું હું કેટલું પ્રભાવશાળી છું, હાથી જેવો હાથી પણ મારાથી ડરે છે! તે મને માર્ગ કરી આપવા પોતે કેવો ખસી ગયો! "
સાંભળી જતા, હાથીના કેટલાક મિત્રોએ તેને પ્રશ્ન કર્યો કે તેણે આવું વર્તન શા માટે કર્યું. શું તે ભૂંડથી ખરેખર ડરી ગયો હતો? હાથીએ સ્મિત કર્યું અને વાબ આપ્યો,"હું ડુક્કરને સહેલાઈથી મારા એક પગ નીચે કચડી નાંખી શક્યો હોત, પણ હું સ્વચ્છ હતો અને તે ગંધરો-ગોબરો! એને કચડી નાંખવા જતા મારો પગ ખરાબ થયો હોત અને મારે એમ વા દેવું નહોતું. આથી હું એક બાજુએ ખસી ગયો હતો."

વાર્તા નો સાર:
જ્ઞાની લોકો પોતાના આત્માને નકારાત્મકતાથી દૂર રાખે છે. તેઓ અપવિત્રતાની ગંદકીને આસાનીથી કચડી નાંખવા સક્ષમ હોય છે પરંતુ તેઓ એનાથી આઘા રહે છે. તમારે જીવનમાં દરેક મંતવ્ય​, ટીપ્પણી કે સ્થિતી સામે પ્રતિક્રીયા આપવાની જરૂર હોતી નથી. બિનજરૂરી કકળાટથી દૂર રહો અને આગળ ધપતા રહો!


નોટબુકનું છેલ્લું પાનું…

મારી નોટબુકનું છેલ્લું પાનું...
જ્યાં હું મારી પેન ચાલે છે કે નહિ એની ચકાસણી કરતો,
જ્યાં મને પરીક્ષામાં મળેલા માર્ક્સ ના આધારે ટકાની ગણતરી કરતો,
જેના પર હું મારા છૂપા પ્રથમ પ્રેમનું નામ લખી રમત રમતો અને પછી છેકી નાંખતો જેથી કોઈ વાંચી જાય,
અને મારા મિત્રોને નામ સાથે મને ચિડવાનો મોકો મળે!

મારી નોટબુકનું છેલ્લું પાનું...
જ્યાં વારથી શરૂ થયેલા કંટાળાજનક લેકચર દરમ્યાન ચાલુ ક્લાસે હું મારા મિત્રો સાથે લખી-લખીને વાત કરતો,
જ્યાં મેં આવનારી પરીક્ષામાં પૂછાઈ શકે એવા મહત્વના (આઈ.એમ્.પી.!) પ્રશ્નો ટપકાવ્યા હતાં...
જગા જ્યાં મેં ઘણું સમજાય એવું લખ્યું હતું,ચિતર્યું હતું - જેમાં મારા ટીચરનો રમૂજી ચહેરો પણ સામેલ હતો!

મારી નોટબુકનું છેલ્લું પાનું...
જેના પર મેં મારા મનપસંદ ગીતના શબ્દો લખ્યા હતાં...
જેના પર મેં અને મારા મિત્રે અનેક વાર શૂનચોકડી,ટપકાં જોડો અને અન્ય અનેક રમત રમી હતી...

આપણી નોટબુક્સ ના છેલ્લા પાનાં...
માત્ર પાનાં નહોતા,એનાથી કંઈક વિશેષ હતાં...
આપણી મૂલ્યવાન ડાયરી સમાન હતાં જેના પર આપણે તરુણાવસ્થામાં સુમધુર સ્મ્રુતિઓ  માણી હતી - સર્જી હતી...!


('ઈન્ટરનેટ પરથી')