ઇન્ટરનેટ પર જેક્ટોફર અરેલ્લાનો દ્વારા પોસ્ટ કરાયેલી આ વાર્તાના મૂળ લેખક વિષે જાણ નથી પણ તેમાં વ્યક્ત થતી સંવેદના હ્રદયસ્પર્શી છે.
અર્જન્ટ સર્જરી માટે બોલાવવામાં આવતા ડોક્ટર ઝડપથી હોસ્પિટલમાં પ્રવેશ્યા. તેમણે ઓપરેશન કરતી વખતે પહેરવાના કપડા પહેર્યા અને સીધા તેઓ ઓપરેશન થિયેટર પહોંચી ગયા.તેમણે નોંધ્યું કે જે બાળકની સર્જરી કરવાની હતી તેના પિતા અજંપા ભરેલી સ્થિતીમાં ત્યાં આઘા પાછા થતા ડોક્ટરની કાગડોળે રાહ જોઇ રહ્યા હતા.
જેવું એ બાળકના પિતાનું ધ્યાન ડોક્ટર પર ગયું કે તરત તેમણે મોટા સાદે ડોક્ટર પર વરસી પડતા કહ્યું : "તમને આવતા આટલી બધી વાર શી રીતે લાગી શકે? મારા પુત્રનો જીવ અહિ જોખમમાં છે. તમને તમારી ફરજનું કંઈ ભાનબાન છે કે નહિ? કોઈ જવાબદારી? કોઈ પ્રકારની કર્તવ્યનિષ્ઠા?"
ડોક્ટરે સ્મિત સાથે જવાબ આપ્યો : "માફ કરજો. હું હોસ્પિટલમાં હાજર નહોતો અને મારાથી બની શકે એટલે ઝડપે હું અહિ હાજર થયો છું. હવે તમે શાંત થઈ જાઓ જેથી હું મારા કામે લાગી શકું."
"શાંત થઈ જાઉં? જો તમારું પોતાનું સંતાન અત્યારે ઓપરેશન થિયેટરમાં હોત તો શું તમે શાંત રહી શકત? જો તમારો પુત્ર અત્યારે મરી જાય તો તમે શું કરશો?" એ બાળકના પિતાએ ગુસ્સાપૂર્વક કહ્યું.
ડોક્ટરે ફરી સ્મિત સાથે કહ્યું : "દરેક ધર્મમાં જે કહ્યું છે તે વાતનો હું પુનરોચ્ચાર કરીશ કે - 'આપણે માટીમાંથી જ પેદા થયા છીએ અને તેમાં જ ભળી જવાના છીએ. ભગવાનમાં શ્રદ્ધા રાખવી,તે સૌનું ભલુ કરશે' ડોક્ટર્સ જીવનને લંબાવી શક્તા નથી. જાઓ અને તમારા પુત્ર માટે પ્રાર્થના કરો. અમે અમારાથી બનતા શ્રેષ્ઠ પ્રયત્નો કરીશું. ઇશ્વરની કૃપા હશે તો સૌ સારા વાના થશે."
"જ્યારે આપણી પોતાની સાથે કોઈ દુર્ઘટના ન બની રહી હોય, ત્યારે સલાહ આપવાનું ખૂબ સહેલું હોય છે." તે બાળકના પિતા ગણગણ્યા.
સર્જરી ઘણો લાંબો સમય ચાલી પણ થોડા કલાકો બાદ ડોક્ટર હસતા ચહેરે બહાર આવ્યા અને તેમણે ચિંતાતુર પિતાને કહ્યું,"ઇશ્વરનો આભાર માનો.તમારો પુત્ર બચી ગયો છે."
અને બચી ગયેલા બાળકના પિતાના આભારના શબ્દોની પણ રાહ જોયા વગર ડોક્ટર ઉતાવળે "તમારે કંઈ પણ પૂછવું હોય તો નર્સને પૂછી લે જો..." એ પ્રમાણે સૂચના આપી હોસ્પિટલ છોડી લગભગ દોડતા દોડતા જ ચાલ્યા ગયા.
બચી ગયેલા પુત્રના આભારવશ પિતાએ નર્સને પૂછ્યું:"આ ડોક્ટર આટલા ઉદ્ધત કેમ છે?શું તેમણે થોડી વાર થોભી મારા દિકરાની સ્થિતી અંગે વાતચીત ન કરવી જોઇએ?મારે એમને પૂછવું હતું કે મારા દિકરાનું ઓપરેશન કેવું રહ્યું, હવે તેની શી દરકાર રાખવી વગેરે."
નર્સે જવાબ આપ્યો : "ગઈ કાલે જ તેમનો એકનો એક પુત્ર રોડ અકસ્માતમાં માર્યો ગયો છે અને એ તેની દફનવિધિ છોડીને તમારા પુત્રનું ઓપરેશન કરવા આવ્યા હતા."
('ઈન્ટરનેટ પરથી')
Saturday, November 24, 2012
Saturday, November 17, 2012
પ્રેમ એટલે ...
પ્રેમ એટલે એક અનમોલ રતન
પ્રેમ એટલે તારું ને મારા મન નું મિલન
પ્રેમ એટલે નિસ્વાર્થ સમર્પણ
પ્રેમ એટલે જ્યોત નું જ્યોત માં મિલન
પ્રેમ એટલે અંતર થી અવાજ
પ્રેમ એટલે કોઈ નું ધબકાર
પ્રેમ એટલે આગનું એધાણ
પ્રેંમ એટલે મારા હૃદય નો ધબકાર
પ્રેમ એટલે વસંત બહાર
પ્રેમ એટલે મલ્હાર નો સિતાર
પ્રેમ એટલે ટહુકા નો તાલ
પ્રેમ એટલે ઝાકળ નો ફાલ
પ્રેમ એટલે કુપળ નો વિકાસ
પ્રેમ એટલે સ્પંદન નો આભાસ
પ્રેમ એટલે ખીલતો ગુલાબ
પ્રેમ એટલે મધમધતો રૂઆબ
પ્રેમ એટલે પુંજ પ્રકાશ
પ્રેમ એટલે ઊર્મિ નો ઉઝાસ
પ્રેમ એટલે કવિ નો વાસ
પ્રેમ એટલે કથા નો સાર
પ્રેમ એટલે તારો વિચાર
પ્રેમ એટલે મારો ચિતાર
પ્રેમ એટલે સગપણ નો વાર
પ્રેમ એટલે સમજણ નો ભાર
પ્રેમ એટલે આંખો નો ભાર
પ્રેમ એટલે સપના ની વણઝાર
પ્રેમ એટલે મૌન નો સાથ
પ્રેમ એટલે સુધ્ધતા નો હાથ
પ્રેમ એટલે સાગર નો ક્યાસ
પ્રેમ એટલે નદી નો આવાસ
પ્રેમ એટલે મેરુનો પ્રવાસ
પ્રેમ એટલે નિશાનો નિવાસ
પ્રેમ એટલે ભીનો આભાસ
પ્રેમ એટલે મધમધતો રૂમાલ
પ્રેમ એટલે હરખ નો તહેવાર
પ્રેમ એટલે સુખનો રવિવાર
પ્રેમ એટલે અનંત નો ભાસ
પ્રેમ એટલે પ્રભુ નો વાસ...
('ઈન્ટરનેટ પરથી')
પ્રેમ એટલે તારું ને મારા મન નું મિલન
પ્રેમ એટલે નિસ્વાર્થ સમર્પણ
પ્રેમ એટલે જ્યોત નું જ્યોત માં મિલન
પ્રેમ એટલે અંતર થી અવાજ
પ્રેમ એટલે કોઈ નું ધબકાર
પ્રેમ એટલે આગનું એધાણ
પ્રેંમ એટલે મારા હૃદય નો ધબકાર
પ્રેમ એટલે વસંત બહાર
પ્રેમ એટલે મલ્હાર નો સિતાર
પ્રેમ એટલે ટહુકા નો તાલ
પ્રેમ એટલે ઝાકળ નો ફાલ
પ્રેમ એટલે કુપળ નો વિકાસ
પ્રેમ એટલે સ્પંદન નો આભાસ
પ્રેમ એટલે ખીલતો ગુલાબ
પ્રેમ એટલે મધમધતો રૂઆબ
પ્રેમ એટલે પુંજ પ્રકાશ
પ્રેમ એટલે ઊર્મિ નો ઉઝાસ
પ્રેમ એટલે કવિ નો વાસ
પ્રેમ એટલે કથા નો સાર
પ્રેમ એટલે તારો વિચાર
પ્રેમ એટલે મારો ચિતાર
પ્રેમ એટલે સગપણ નો વાર
પ્રેમ એટલે સમજણ નો ભાર
પ્રેમ એટલે આંખો નો ભાર
પ્રેમ એટલે સપના ની વણઝાર
પ્રેમ એટલે મૌન નો સાથ
પ્રેમ એટલે સુધ્ધતા નો હાથ
પ્રેમ એટલે સાગર નો ક્યાસ
પ્રેમ એટલે નદી નો આવાસ
પ્રેમ એટલે મેરુનો પ્રવાસ
પ્રેમ એટલે નિશાનો નિવાસ
પ્રેમ એટલે ભીનો આભાસ
પ્રેમ એટલે મધમધતો રૂમાલ
પ્રેમ એટલે હરખ નો તહેવાર
પ્રેમ એટલે સુખનો રવિવાર
પ્રેમ એટલે અનંત નો ભાસ
પ્રેમ એટલે પ્રભુ નો વાસ...
('ઈન્ટરનેટ પરથી')
Saturday, November 10, 2012
બિઝનેસ આ રીતે થાય!
પિતા : હું ઇચ્છુ છું કે તું મે પસંદ કરેલી યુવતિ સાથે લગ્ન કરે.
પુત્ર : પણ હું કંઈ નાનો કિકલો નથી.પુખ્ત વ્યક્તિ છું. મારે તો મારી પસંદગીની છોકરી સાથે જ પરણવું છે.
પિતા : પણ બેટા,એ યુવતિ વિશ્વના સૌથી વધુ ધનિકોમાંના એક એવા બિલ ગેટ્સની પુત્રી છે.
પુત્ર : ઓહ....તો વાત જુદી છે.બોલો ક્યારે કરવાના છે લગ્ન?!
હવે પિતા બિલ ગેટ્સ પાસે જાય છે.
પિતા : તમારી પુત્રી માટે મારા ધ્યાનમાં એક અતિ લાયક, દેખાવડો મૂરતિયો છે.
બિલ ગેટ્સ : પણ મારી પુત્રી તો હજી લગ્ન માટે ઘણી નાની છે.
પિતા : પણ મારી નજરમાં છે એ યુવાન વર્લ્ડ બેન્કનો વાઈસ પ્રેસિડેન્ટ છે.
બિલ ગેટ્સ : ઓહ...તો પછી વાંધો નહિં!
છેલ્લી પિતા વર્લ્ડ બેન્કના પ્રેસિડેન્ટ પાસે જાય છે...
પિતા : તમારી અડધો અડધ જવાબદારી સંભાળી લે એવો કાબેલ યુવાન વાઈસ પ્રેસિડેન્ટ તરીકે જોડાઈ શકે એવો કાબેલ યુવાન મારી નજરમાં છે.
પ્રેસિડેન્ટ : પણ મારી પાસે અત્યારે જરૂરિયાત કરતાં વધારે વાઈસ પ્રેસિડેન્ટ નોકરીમાં છે.
પિતા : પણ આ યુવાન બિલ ગેટ્સનો જમાઈ છે.
પ્રેસિડેન્ટ : ઓહ..તો વાત જુદી છે...આવતી કાલથી તેઓ વર્લ્ડ બેન્કના વાઈસ પ્રેસિડેન્ટ!
ઉપસંહાર : તમારી પાસે કંઈ જ ન હોય તો પણ તમે ઘણું બધું / કંઈ પણ મેળવી શકો છો.બસ તમારો અભિગમ હકારાત્મક હોવો જોઇએ! થિન્ક પોઝિટીવ!!!
('ઈન્ટરનેટ પરથી')
Sunday, November 4, 2012
આયુર્વેદ કવિતા
ચોમાસે અજમો, લસણ ભલા
પણ, બારે માસ ત્રિફલા ભલા.
ખાય જે બાજરી ના રોટલા અને મૂળા ના પાન,
શાકાઆહારને લીધે, તે ઘરડા પણ થાય જવાન.
રોટલા, કઠોળ અને ભાજી, -- તે ખાનારની તબીઅત તાજી,
મૂળો, મોગરી, ગાજર ને બોર, જે ખાય રાતે તે રહે ન રાજી.
હિંગ, મરચું અને આમલી, સોપારી અને તેલ,
શોખ હોય તો પણ, સ્વાસ્થ્ય માટે પાંચે વસ્તુ મેલ.
આદુ રસ ને મધ મેળવી, ચાટે જો પરમ ચતુર,
શ્વાસ, શરદી, અને વેદના, ભાગે તેના જરૂર.
ખાંડ, મીઠું અને સોડા, એ ત્રણ સફેદ ઝેર કહેવાય,
નિત ખાવા-પીવામાં એ વિવેકબુદ્ધિથી જ વપરાય.
ફણગાવેલા કઠોળ જે ખાય, તે લાંબો, પોહળો અને તગડો થાય
દૂધ-સાકર, એલચી, વરીયાળી અને દ્રાક્ષ, એ ગાનારા સૌ ખાય
લીંબુ કહે: હું ગોળ ગોળ, ભલે રસ છે મારો ખાટો,
સેવન કરો જો મારું તો, પિત્ત ને મારું હું લાતો.
ચણો કહે: હું ખરબચડો, પીળો પીળો રંગ જણાય,
ચણા દાળ ને ગોળ જે ખાય, તે ઘોડા જેવો થાય.
મગ કહે: હું લીલો દાણો અને મારે માથે ચાંદુ,
જો બે ચાર મહીના ખાય તો માણસ ઉઠાડું માંદુ
કારેલું કહે: કડવો, કડવો હું અને મારે માથે ચોટલી,
રસ જો પીએ મારો, ડાયાબીટીસની બાંધુ ચોટલી
આમલી કહે: મારામાં ગુણ એક જ, પણ અવગુણ છે પુરા ત્રીસ
લીંબુ કહે: મારામાં અવગુણ એક નહીં, પણ ગુણ છે પુરા વીસ
ઉનાળો જોગીનો, શિયાળો ભોગીનો ને ચોમાસુ રોગીનું,
શાકાઆહારી જે જન રહે, દર્દ નામ કદી ન લે એ જોગીનું
('ઈન્ટરનેટ પરથી')
પણ, બારે માસ ત્રિફલા ભલા.
ખાય જે બાજરી ના રોટલા અને મૂળા ના પાન,
શાકાઆહારને લીધે, તે ઘરડા પણ થાય જવાન.
રોટલા, કઠોળ અને ભાજી, -- તે ખાનારની તબીઅત તાજી,
મૂળો, મોગરી, ગાજર ને બોર, જે ખાય રાતે તે રહે ન રાજી.
હિંગ, મરચું અને આમલી, સોપારી અને તેલ,
શોખ હોય તો પણ, સ્વાસ્થ્ય માટે પાંચે વસ્તુ મેલ.
આદુ રસ ને મધ મેળવી, ચાટે જો પરમ ચતુર,
શ્વાસ, શરદી, અને વેદના, ભાગે તેના જરૂર.
ખાંડ, મીઠું અને સોડા, એ ત્રણ સફેદ ઝેર કહેવાય,
નિત ખાવા-પીવામાં એ વિવેકબુદ્ધિથી જ વપરાય.
ફણગાવેલા કઠોળ જે ખાય, તે લાંબો, પોહળો અને તગડો થાય
દૂધ-સાકર, એલચી, વરીયાળી અને દ્રાક્ષ, એ ગાનારા સૌ ખાય
લીંબુ કહે: હું ગોળ ગોળ, ભલે રસ છે મારો ખાટો,
સેવન કરો જો મારું તો, પિત્ત ને મારું હું લાતો.
ચણો કહે: હું ખરબચડો, પીળો પીળો રંગ જણાય,
ચણા દાળ ને ગોળ જે ખાય, તે ઘોડા જેવો થાય.
મગ કહે: હું લીલો દાણો અને મારે માથે ચાંદુ,
જો બે ચાર મહીના ખાય તો માણસ ઉઠાડું માંદુ
કારેલું કહે: કડવો, કડવો હું અને મારે માથે ચોટલી,
રસ જો પીએ મારો, ડાયાબીટીસની બાંધુ ચોટલી
આમલી કહે: મારામાં ગુણ એક જ, પણ અવગુણ છે પુરા ત્રીસ
લીંબુ કહે: મારામાં અવગુણ એક નહીં, પણ ગુણ છે પુરા વીસ
ઉનાળો જોગીનો, શિયાળો ભોગીનો ને ચોમાસુ રોગીનું,
શાકાઆહારી જે જન રહે, દર્દ નામ કદી ન લે એ જોગીનું
('ઈન્ટરનેટ પરથી')
Subscribe to:
Posts (Atom)